Материалдық-техникалық база

МКҚК «Жансая» бөбекжай-бақшасы 2009 жылдың 26 қарашасынан бастап жұмыс жасайды. Жобалық қуаты 140 . Жас ерекшеліктері әр түрлі 6 топ жұмыс жасайды. Олар «Айгөлек», «Балауса», «Балдырған», «Балдәурен», «Балбөбек», «Қарлығаш» топтары. Топтардың оқу тәрбие жұмысы қазақ тілінде жүреді. Бөбекжай-бақшада бүлдіршіндерге білім мен тәрбие қатар беріледі. Бөбекжай-бақшаның материалдық — техникалық базасы талаптарға сай, топтар қажетті құралдармен жабдықталған, эстетикалық талғамға сай және балалардың жас ерекшеліктеріне сай әсем безендірілген. Әр топта табиғат бұрышы, денсаулық бұрышы, спорт құралдары бұрышы, қимыл-қозғалыс ойындар құралдары, оқу-тәрбие процесіне пайдаланатын көрнекіліктер мен үлестірмелі материалдар, әдістемелік оқулықтар жас ерекшеліктеріне қарай топталып қарастырылған. Бөбекжай-бақшада акт залы, меңгеруші , әдіскер, психолог, шаруашылық меңгерушісі, өзін-өзі тану бұрышы, спорттық құралдармен және әдістемелік көрнекі құралдармен, әдебиеттермен жабдықталған. Балабақша аумағында ойын алаңдары бар. Педагогтар және техперсоналдар кәсіптік дайындықтарына, еңбек өтілдеріне, іскерлік шеберліктеріне, жеке бастарының психологиялық ерекшеліктеріне, қызығушылықтарына, мүмкіндіктеріне және қызметкерлердің психологиялық үйлесімділіктеріне қарай топтарға бөлініп, бекітілді. Балалардың әлеуметтік тұлға ретінде дамуына, балабақшаға бейімделуге, қолайлы жағдайлар туғызуға, бала бойында өзіне, басқа адамдарға, қоршаған ортаға деген жақсы көзқарас қалыптастыруға, коммуникативтік және әлеуметтік құзырлылығына жағдайлар жасалған. Тәрбиеленушілердің дұрыс тамақтануы үшін асхана және денсаулығын сараптау, дәрігерлік көмек көрсететін дәрігерлік кабинет жұмыс жасайды.